Lífið er yndislegt

Jæja þá er ég byrjuð í skóla eftir langa pásu og eitt af mínum fyrstu verkefnum er að skrifa um kosti mína, spurja fólk hvaða kosti því finnst ég hafa og af hverju þeir segja að þetta séu kostir mínir...

Þannig að ég ákvað að setja það hér inn ef það er einhver sem les þetta, byðja þá hann um að skrifa hvort þeim finnst ég hafa einhverja góða kosti og þá af hverju honum finnst það

Með fyrirfram þökk

Love you all

Ég fór og hitti stelpurnar í gær. Elva og Rebekka komu til mín um eitt leytið og svo brunuðum við inn í Hafnarfjörð og tókum prinsessuna mína með. Við fórum í Jólaþorpið, það var voða gaman en ef ég á að segja alveg satt þá bjóst ég við því að þetta væri aðeins öðruvísi, eiginlega miklu stærra en þetta var engu að síður mjög skemmtilegt. Við brunuðum svo heim til mín um þrjúleytið með prinsessuna, hún ætlaði að vera hjá pabba sínum svo við gætum aðeins fengið að dúllast saman. Þá bættist María í hópinn, brunuðum við þá einn rúnt niður Laugarveginn, gaman að sjá öll jólaljósin og alla í góðum fíling fyrir jólin. Rebekka þurfti svo að fara heim um hálf sex   Guðrún kom svo og borðaðið með okkur, tók sér smá pásu frá próflestrinum. Við fengum æðislegan mat á Ítalíu, settumst aðeins upp í Koníakstofunna þeirra og svo var bara rúntað aðeins meira um, skoðuð jólaljós og öll þessu nýju hús hérna út um allt. Og ekki má gleyma, ég sýndi þeim vinnuna mína

Það er nú ekki svo mikið annað merkilegt búið að vera að gerast hjá okkur, jólaundirbúningurinn er náttúrlega í fullu gangi. Við erum alltaf að bíða eftir því að Victoria farin nú að labba. Hún labbar um með bílinn sinn og finnst það mjög gaman. Æji þetta kemur allt saman þegar hún er tilbúin í það

Við ætlum að skreppa norður með mömmu í dag, bruna á Skagaströnd og til baka. Mamma ætlar að setja krossinn hjá pabba og ég er ekkert búin að fara í langan tíma og hef ekkert farið með Konráð þannig að við ákváðum bara að skella okkur með. Koma svo við á Hvammstanga, kíkja á Sólveigu og svo á Möggu og Axel Noa líka. Verður bara gaman

En þangað til næst, ef það verður ekki fyrir jól þá segi ég bara gleðileg jól

Love you all

Ég var búin að skrifa slatta þegar eitthvað gerðist í tölvudruslunni og allt strokaðist út

En í stuttu máli þá eru jólin að koma og ég komin í mikið jólastuð og get ekki beðið eftir jólunum.

Victoria var með hita um helgina en er orðin hress

Vinnan er alltaf jafn æðisleg.

Ég fór í ofnæmispróf og ég er bara ekki með ofnæmi fyrir NEINU. Hún sagði að þegar fólk fær matareitrun þá fær það oft svona köst. Það tekur það oft mánuði og jafnvel ár að lagast á ný  ég hef ekki fengið svona slæm köst lengi en ég fæ stundum mikinn kláða en hún lét mig fá nokkrar sterkari töflur en ég var með og sprautu til að sprauta mig með ef ég fæ aftur eins slæmt og ég fékk þarna í okt. Sprautan virkar um leið og þar sem það var verið að lokast fyrir öndunarveginn hjá mér þá er mjög sniðugt að hafa hana. Ég þarf alltaf að vera með hana með mér og helst að kenna öllum sem eru í kringum mig hvernig eigi að nota hana ef skildi að ég væri bara búin að missa meðvitund  er búin að kenna Konráð á hana en vona bara að við þurfum aldrei að nota hana.

Þetta er nú svona helsta sem hefur verið í gangi hjá okkur...

Love you all

Ætla nú ekki að skrifa mikið, rétt aðeins að segja hvað hefur verið að gerast hjá okkur.

Ég var heima í 3 daga eftir ofnæmiskastið+matareitrunina. Er búin að fá nokkur lítil ofnæmisköst síðan, búin að vera að prufa allan mat. Pantaði tíma í ofnæmispróf og fæekk næsta lausa tímann sem er 29 janúar.... Frekar langt þangað til en ég verð að láta mig hafa það. Ef ég held áfram að fá svona ætla ég bara til heimilislækni og reyna að láta hann koma mér í próf strax...

Vinnan er alltaf jafn skemmtileg ef ekki bara verður skemmtilegri og skemmtilegri. Er að lesa um þroska barna núna, við erum nefninlega með bók sem heitir heilsubók og þaðe r skráð í hana 2 x á ári þroska og getu hjá þeim. Mér finnst þetta mjög sniðugt og svo fá þau aað eiga bókina þegar þau hætta.... Ég er einmitt að vonast til að Victoria geti fengið að fara á þennan leikskóla, bæði útaf þessu og svo náttúrlega þekki ég skólann og þá sem vinna þar. Erum að fara saman út að borða í Perlunni næsta föstudag, það er Villibráðahlaðborð. ÞAð verður gaman. Við erum samt ekki komin með pössun en ég vona að við fáum einhverja. Langar svoldið að fara...

Við erum enn á fullu að koma okkur fyrir. Búin að hengja upp gardínur og myndir. Herbergið hennar Victoriu er að verða til, langar að gefa henni einhverjar hillur og svoleiðis inn í herbergi. En svo er okkar herbergi alveg eftir. Vonast nú til að við förum að geta klárað.

Skvísan mín er að verða 1 árs eftir viku. Alveg ótrúlegt hvað tíminn er fljótur að líða. Erum á fullu að ákveða hvað við eigum að bjóða fólki uppá í veislunni og svo reyna finna út hvar við eigum að koma þessu fólki fyrir. Við eigum bæði stóra fjölskyldu.

Jæja læt þetta duga í bili, þarf að fara að taka okkur til, erum að fara upp í Borgarfjörð í brúðkaupsafmæli hjá 0mmu og afa hans Konráðs.

Love you all

Jæja, það hlaut að koma að því að ég þyrfti að fara að komast inná sjúkrahús, það var komin dágóður tími síðan síðast. En sem sagt í gær var mér keyrt niður á slysó. Ég var að fara með Victoriu í afmæli hjá Lilju dóttir hennar Helgu vinkonu og á leiðinni klæjaði mig svo svakalega í lófann og ég var nú að vona að þetta væri ekki ofnæmiskast einsog þegar ég var ólétt. Þegar ég var komin til Helgu fór þetta að versna, þá var mér farið að klæja í ylina, í eyrunum og hársvörðinum og svo átti ég í erfiðleikum með að anda. Þá var mér nú ekki farið að lítast á þetta og mér var keyrt niður á slysó. Á leiðinni þangað var mér farið að líða einsog ég þyrfti að æla en náði nú að komast niður á slysó áður en það gerðist. En þá ældi ég líka öllu sem hægt var að æla og svo var það gallið næst...frekar ógeðslegt að æla þegar maður hefur ekkert til að æla.   Það var tekin blóðprufa og þá kom í ljós að ég er með veirusýkingu í maganum og gæti verið einhver matareitrun en þau gátu ekki alveg sagt um það. Þau vissu ekki af hverju ég fékk þetta ofnæmi, hlýtur að vera eitthvað sem ég borðaði og svo var ég öll að þorna upp þannig að þegar ég stóð upp þá leið næstum yfir mig. ÞAnnig að ég þurfti að fara þarna þangað til það var búið að dæla í mig 3 pokum af saltvatni. Ég sem sagt lá þarna allan sunnudaginn.....voða gaman eða hitt þó heldur

Dagurinn í dag er svo bara búið að eyða mest allan tímann í rúminu. Er búin að vera svaka þreytt, máttlaus og það litla sem ég hef getað borðað fer bara beinust leið í gegn. Ég ákvað að vera heima líka á morgun og reyna að jafna mig alveg. Vona nú að ég verði orðin fín á morgun.

Íbúðin er að verða voða fín hjá okkur. Við keyptum okkur nýjan sófa. 3 sæta lazyboy og svo hægindastól líka lazyboy. Fórum með gamla bara uppí sorpu í góða hirðis gáminn og svo keyptum við okkur flott borðstofuborð og 6 stóla í stíl. Það er bara svaka lúxus á okkur

Victoria er farin að setjast og standa upp í rúminu sínu þannig að við færðum hana neðar svo hún mundi ekki steypa sér niður. Hún var sko ekki ánægð þegar hún átti að fara að sofa. Fyrri nóttina sofnaði hún með aðra löppina út á milli rimlanna og í kvöld sofnaði hún sitjandi.  hún er svo fyndin þegar hún er svona ákveðin þetta litla grey...

Þetta er það helsta sem er að frétta af okkur...

Þangað til næst

Love you all